.

.

Friday, November 21, 2014

SHADI PER BANDISH KI ALAAMAAT


Assalam oalaikum,

Shadi per bandish ek tarah ka kala jadu hota hai jis ke waje se victim ki shadi nahin ho paati hai. Is ki sab se khaas alaamat yeh hoti hai ke victim, chahe woh mard ho ya aurat, khud shadi se saaf inkar karne lagta hai aur woh bhi bina kisi mantiq ke. Ab jab koi khud zid per ad jae ke us ko shadi nahin karni hai to aise mein ghar walon ko kafi aziyat ka saamna karna pad sakta hai. Rishton ki chahe kataar lag jae lekin koi nateeja nahin saamne aata. Jab koi apni shadi ke maamle mein itni baddili aur laparwahi se kaam lega to us ka anjaam acha kaise ho sakta hai.
Aise mein agar victim ke ghar wale kala jadu ki alamaat se baqhubi waqif hon to masla hal ho sakta hai sahi waqt per. Lekin baaz awqaat kala jadu ke maamle mein bekhabri ke waje se asli masla kisi ke samajh mein hi nahin aata aur sab bewaquf ban jaate hain. Nateeja yeh nikalta hai ke victim ko zid per ada hua dekh ker sab ghar wale ghutne tek dete hain aur us ko uske haal per chhor dete hain. Koi is masle ki teh tak pahunchne ki koshish nahin karta hai ke shadi jaise aham maamle mein victim akhir dilchaspi kyun nahin le raha hai? Zyada se zyada aqil se kaam lenge to victim ki inkar ki waja us ki kisi qism ki afusrdagi ya manfi soch se mansub kardenge.
Kuch alamnaak qism ke maamlaat mein is qism ka kala jadu victims ke aziz hi karwa dete hain aur sab se yeh kah kar ke victim khud shadi nahin karna chah raha hai woh us ki shadi ke mamle ko hamesha ke liye dabaa dete hain. Yeh zyada tar laalchi qism ke log karwate hain jinhe victim ki shadi se hone kuch maali nuqsaan ka andesha hota hai. Zaahir si baat hai ke agar victim ki shadi per us ki bhabhi ne bandish lagwaa di ho to woh tanha hi rah jaega. Na to uski biwi hogi aur hi aulaad. Aise mein jaaedad ke batwaare ke waqt us ki bhabhi ko faeda ho jaega aur daulat us ke bachon mein taqseem hojaegi. Agar kisi shakhs ka halqa itna khatarnaak ho to aise mein woh mehfuz sirf tab rah sakta hai jab woh kala jadu ke bare mein bakhabar ho.
Kuch deegar dardnaak maamlaat mein victim ki shadi rukwaane ke liye us ke dushman us ko jinsi taur per kamzor karwaa dete hain. Zahir hai ke aisi surat e haal mein victim shadi ke naam se katraaega.
Is ke alaawa kala jadu ke jinnat victim ke zehen mein shadi ki bahut hi manfi tasweer pesh karte hain jis ke waja se victim shadi se badzann hojaata hai. Yeh sab tab hota hai jab victim kala jadu ki alaamaat se waaqif nahin hota aur is ke sabab jinnati waswason aur qudrati khayaalon ke beech ke farq ko bhaamp nahin paata hai.

Duaaon mein yaad rakhein
Amel Soname



24 comments:

faisal said...

yeh jo batain batayi aapne isme 95% mere sath hota hai
koi upay bataye bhut meharwani hogi

KAMRAN said...

Assalamoaliakum,

Mera naam KAMRAN hai aur mai MAKKAH, SAUDI ARAB me 10 mahine se hoon
yahan kaam karta hoon.

mai aksar khwab me apne aap ko pakhana karte dekhta hoon, aur apne aap ko nanga (nude) bhi dekhta hoon, pakhana mere laga rehta hain,
mujhe lagta hai k mere ooper jadu ya kuch asarat ho sakte hain
kyonki mera kisi bhi kaam me man nahi lagta hai, mujhe kuch bhi yad nahi rehta hain, mai cheezo ko bhool jata hoon, yadasht kamzor ho rahi hai,
aur hamare dil me jhijak (heasitation) rehti hai jo ki badti ja raha hai kisi se kuch kah nahi pata hoon.
aksar mai beemar bhi ho jata hoon, aur har kaam ki mujhe bahut jaldi rehti hai jo koi bhi kaam mujhe diya jata hai mai chahta hoon fauran wo kaam khatam ho jaye.
meri samajh me nahi a raha hai k mujhe beemari hai ya kuch aur hai please meri help kijiye.

Allah hafiz

zaheer said...

Assalam o alaikum, Amil soname sahib ALLAH k waste mari help karo. 20 years say jadoo ki takleef man mubtala hoon. musalsal jadoo ho raha hai.Shadi bhi band hei. age 37 years ho chuki hei. ALLAH ne har mushkil ka hal pada kia he. Barah e karam mujh ko is mushkil se nijat ki soorat bataein.

sonem amel said...

I m farzana assalamo alaikum ap ne jo peariod ke barey mein btya ke pehle muje sai aate the or ab muje bht kem aate hain or muje 8 9sal se ghale ka masla hai her wqt khurab rehta hai subhe jb outh ti hon to moun se bht ziada bedbu aati hai or ghanda pani bht ziada niklta hai bht ziada ilaj krwaya lykin koi farq nhi para plz muje is ka hal btayen

aniqa said...

Salam......ye mamla kafi uljha hua he...bohat kuch theek kerwaya or faida hota bhi he magar kerne waley peeche lage hein musalsal to.kitna tor kerwaon....mujhe khud ba khud pta chal jata he har baat ka,,ya to.khwab se ya dil me wo baat aa jati he...to janti sub hoon but pakka rok nhi paa rahi........Allah ka zikr musalsal kerne se wawti faida ho jata he lekin in zalimo se pakki jaan kese churae jae,,ye bta dein aap.

Ab baat ye he , mukhtalif waqton mein mukhtalif cheezein ki jati he....mein ek cheez ko sambhalti hoon to doosra kaam khrab ker dya jata he....kbhi beemar kya jata he...kbhi jhagrey....magar sub se eham is waqt rizq ki bandish he k sarey rastey band kya gae hein or job waghera nhi he,,na meri or na filhal mere miyan ki.....aur bohat kuch he....ap dekhein ge tafseel se to apko khud hi nazar aa jaega...shukriya..
Waiting for reply.

mona said...

Mere husbend ka baneyan koi le gya .humare rystedar he h jo leker gye h tub se mere husbend or mere aapes me ladai bhi hoti h or humara bussienes bhi acha nahi chal raha h or jo leker gye vo log her 15 din bad milne aate h .muje bhut dar lag raha h kuki baneyan phane hui leker gye the krpya karke is ka tod btayenge taki es karaye gye ka aser khatum ho sake

viksit said...

Sir main apni zindagi se bahut pareshan ,kaam hai nahi aur karza bahut jo din b din badta chala ja raha hai ,aur mujhe lagta hai jaise kisi ne mere pe rok lagayi hui hai ,kya aap meri madad kar sakte hai

bhunesh said...

mai lagvhag 5 saal se problem mai hu mujhe kisi aurat ye ladki se
sambhog karna hai lekin mujhe kuch samajh nhi aa raha hai . Isliye
mujhe aapse kuch help chahiye . Ap kuch mantra baataiye ki jiske
istemal se mai kisi aurat ye ladki se samvhog kar saku

jamil said...

Assalamu alayqum. Mujhe aap se zaruri baat karni hai.

Kuch dino se mujhe neend m khwaab aate hain, mai ek Sher [Tiger] dekhta hu..
Wo mujhse kuch dur rehta hai. Kabhi nuqsaan nahi deta.
Bas dekhta hai mujhe, kareeb aana chahta hai. Par mai hi darne lagta
hu usse, or dur rehta hu..

Akhir ye kya masla hai.
Badi meherbani hogi aapki agar iska kuch ilaaj batayen to.

SHAMS said...

As salam Alekum
Saaen mera naam
SHAMS ha
Man bhat preshan hu
Man pehly job krta privat compny m
Man ne 4 saal kaam kia
Man aik gareeb kisaan ka beta hu
Mera aik rod hadse acident hogae the
Ar taango se mazoor hogae ha
Hum n bari gurbat dekhi ha
Mera company m
6 month acha chal bhat
Us k 3 saal musal sal flop gaya raat mehnat kr raha tha
Muje result nah mil raha tha
Man naakaam ho hogya job m be ar har kaam m naakam
job khatm ho gae
Shadi karna chahta tha maamoo ke beti se
Larke be raze the
Us wajha se poraa khandan dushman hogya
Mera maamo khud logo jadu krwa ta ha
Man sir bilkul barbab hogya job nahe ha, shadi be nahe ho rahe har
kaam m rukawate ha
Ab myos ho k ghar p beth gaya hu
Kuch bure aadate na jaane kesi par gae muj m
Charas , bhang cigret peene ke aadat par gae phle muj un bhat nafrat
the, jb se nimaz pharna shuru ke Allah k fazul se wo aadate khatm ho
gae
Sir meri help kare 27 year meri age ha
Har kaam se naakam hogya hu

Anonymous said...

Aslam O Alikum Sir!
Main apni behan k ley istkhara kerwana chahti hon,meri behan ka name sidra hai uski bht choti umer mn hi mery parents ny shadi ker di thi 9 saal k bad uski shadi toot gai.2 bachy hen ek beta shohar n rakh liya our beti dy di..Hum ny apni behan ka agay nikah ker diya hai shakeel name k larky se ;per abi rukhsti nhi ki. hum bohat preshan hen k uska ye shohar usy khush rakhy ga ya nhi .q k wo pehly b shadi shuda hai uski biwi Rukhsana n khud hum se rishta manga tha to hum n nikah kiya ,but ab wo apni bat se phir gai hai our shohar se kehti hai k sidra ko divorse do ya mjy ,uski 3 betian hen wo hmari khala ki beti hai.is waja se pura naniyal hum se naraz hai,k hum ny apni khala ki beti py apni beti di, bhai ki walida b uski 3 betion ki waja se uski shadi ko kabool nhi ker rhi,n yaqeen dilaya tha k sb ko khud hi mana ley gi.per ab aisa nhi hai.hum kya kren hmen smjh nhi arhi .agr chorty hen to sb khandan our gaon waly awazen kasen gay hum pey, bhai meri behan ko bht tang kerty hen ,kehty hen k pura din mery sath fon pe batin kerti raho,us py bht shak kerty hen .Ghar mn koi b mehman ajaey to khty hn mjy uski batin fon py sunwao.agr wo cal pick nhi kerti to us py ulty seedhy ilzam lagaty hen.bht galian dety hen ,unhon n ek din gusy mn meri behan ko btya k unho n us py jadoo kerwa k pehli shadi khtam kerwayi hai take wo khud meri behan se shadi ker sakin,Rukhsana k walid b jadoo k Mahir hen.Meri behan 5 mint cal pick nhi kerti to koi 100 calls ker dety hen bhai our phr bohat buri galian dety hen , jb wo cal pick nhi kerti to kbi mjy our kbi mery bhai ko b calls kr kr k tang kert hen kbi damkian lagaty hen,Humen ab un per yaqeen kerna bht mushkil lag raha hai,per unse jaan churana our b mushkil lag rha hai, plz ap ALLAH PAK se mashwara ker k hmen btaen k hmen kya kerna chahiey ,usk sath chalen to kesy our uska sath choren to kesy?

nazim said...

asslam o alycom
me nazim
sofi sahib app ki websit visite ki bhoot khosi hue ke app
dukhi insnait se jung kerhe he
sufi sahaibe
mere bade bhia shouket hussian
jan ko takleef hein yearsa 6 years se kamer mein disck problem hein
inka 3 saal pahle operation bhi huchuka hein ayr doctor injuction bhei laga chuka hein
per inko koye fuada nahi hota bhoot se ammal sahib kahte hein tumhari ghur me asseb aur gundi cheze hain
brayie maharbani meri smugh mein surah fatah wala taveez ka teriqa araha hein
please sufi sahib mughe is ka tariqa sahih bata dein kitni dufa surah padhna hein aur taveez kese lakhna hein ke bemari door hogye
aur adat ke bhi tarqe shah shah send kerdegye please
app ki dua ka mahtage

Anonymous said...

salam
i m shahnaz sir plz plz mera problem hal karain mera demagh ko pata nhi kya hu gaya hai main bhut chup chup rehti hu kise sy baat nhi karti zindagi achi nhi lagti udas rehti hu plz roti bhut hu. kabhi kabhi mera demgh khrab hu raha huta hai mujhy dar bhut lagta hai ghbrtai bhut hu plz mere helpp karain koi problem ka hal batain.

farzana said...

Asalam.o.alkum
Ap ki web site dheki bhut khusi hui bhut kar amad hy mujhy apny masail k liy amal ap k mashwary sy karna chati hun plz bataee k kaya karna ho ga mujhy is k liy
Shukriya
Ap ki khidmut guzar

Aamir said...

Assalamualikum
Mera naam Aamir h Meri umr 28 saal h. Mei India Dilli se hun. Mene Internet pe kale jadu par likha apka blog pada tha. Usme khuch kale jadu k asrat likhe hue the. Ye asrat muhjhe takreeban 80% milte hei.
Mei lagbahag 2 saal se bimar chal raha hun mere sath ji matlane ulti ki dikkat h. Sab test kra liye wo sahi ate hei. Bohat dr ko dikha liya. Duniya bhar ki dawai kha li lekin kuch din tak faeda hota h fir baad mei fir wo hi ho jata h. Zindegi mei zara bbhi sokoon ni h. Har wakt eik bechaini si lagi rehti h. Gande kheyal dimagh mei chalte rehte hei. Yaad-dasht kamzor hoti ja rahi h. Ab to logo k naam tak bhool raha hun. Chehre pe nahoosat si rehti h. Or bohat dikkaten chalti rehti hei.
Wesse to aaj tak kissi molana k paas nhi gaya. Lekin kal mei net pe kuch or search kr raha tha or apka blog khul gaya. Mazak k tor pe mene padna bhi shru kr dia lekin usme jo likha tha wo padke mei hairan reh gaya. Qk wo sab dikkaten mere sath roz pesh ati hei.
Aapse madad ki darkhaast h. Mujhe batae ki mujhpe kala jadu hua h ya koi asar h.
Kia mujhe in sab pareshanion se nijat mil sakti h ya zindigi bhar in dikkaton k sath jeena padega.

Jahanara said...

Assalam Walekum,

Mera Naam Jahanara Hain. Main Shaadi ke baare mein yeh mail likh rahi hoon. Meri shaadi bahuth mushkil se hui thi aur hone ke ek mehne ke baad mein tooth gayi.Main achi dikhne ke bawajood koi bhi rishta nahi hua tha. Ab mujhe koi bhi rishta nahi ho rahan hain. jitna bhi dowry dene ke liye ready hain tho bhi nahi ho rahan hain. Mujhe khwab mein aksar hamam aur mahawari ka kapda diktha hain. Mujhe lagta hain ki mujh pe jaadu ka asar hain ya phir kya hain nahi maloom . Please meri madad ki jiye.

sanjiv said...

adab,
agar mujhe meri jnkari ke bahar kisi aurat ne love spell menstrual blood ke jariye kala jadu karwa kar khane ya pine me mila kar voh meri sexual,physical,income,pray and social life barbad ki gayi hai to us khoon ko jismse bahar kaise nikale pichle 18 saal se yah apna asar badha raha hai
kya mujhe koyi ayisa tarika batayenge jisse nahi ke barabar kharch karke main bach jaun aur meri jingi phir se normal ho sake

Arjun said...

Sir Namaskar,

Hamare ghar mein tantrik shakti daali daalee gayee hai.

Ab wo Tantrik Hamaare Ghar mein apne Jinda aadmiyo ki atma ko Jinda bhoot banakar bhejta hai.
Means wo log apna body chodhkar hame maarne aate hai.

Sir, Inko rokne ka upaaya batayein.

nasik said...

Hello sir mera nam rajesh he...me nasik me rehta hu. Mene apka article
pada kale jadu wala...mere dady ki death ho chuki he aur mujhe doubt
he ki un par kisi ne kala jadu kiya tha jis wajah se unki death hui
he...wo ache the but suddnly unko weakness aane lagi, bhaut jaldi thak
jate the, unk face par ek pimple aya tha yellow clour ka jo thk hi nai
ho rha tha jo ki 1 cm tak bada ho gaya tha, bhaut sote the n suddnly
ek din unko suffocation hone laga hospital lekar gaye toh unko ek
blood ki vomiting hui n unki death ho gai......
Toh me ye janana chahta hu kya un par kisi ne kala jadu kiya tha
kya....dosto se discuss kiya toh pata chala shayad muth mari gaya tha
un par...so is bare me ap kya sochte he plz bataye....

Anonymous said...

Bhai g main ny ap k sary jadu ki types parhi hain
SIR G tujhy wasta hy kareem zaat ka aur sadqa Piyary NABI PAK ka maire help kr .
Maira phla baita fot hoa paida hoa tha dosra 5 din bad fot ho gaya
AB 8MAH CHAL RHA HY PHLY BACHA SAHE THA AB ULTRA SOUND KRAYA TO WOH KH RHY HAIN KAMZOR HY. BHAI G TUJHY KHUDA KA WASTA HY
Hisab kr k btao kia rab ki tarf sy hy ya apno k ahsan hain. Agr hy to is ka hal btao aur plz apna number send kro. Jaldi btao g mary is bachy ko kuch ho na jay

Anonymous said...

sir lagta h hmare ghr me bhut buri njr lga hai, job choot gya, ghar ka
halat thik nhi, exident etc. kya karen

Atif said...

Salam,

Kya hall hai app ka Mera Naam Atif hai mujey Batain k mujh per kisi cheez ka Aser hai.

Main kisi ko nuqsan nahi pohcana cahta.

Hisab kitan ker k batain.

mustafa said...

Jadu tone se hum bahot pareshan hai bahot saalo se ilaj karrahe hai fir bhi Kuch asar nahi ho Raha hamare dushman lagataar jadu karrahe hai o khudh hi karte hai aur dusron se bhi karwate hai hum bahot pareshan hai please hum ko isse chutgara chahiye hum sab log bahot pareshan hai......
Please hamari madat ki ji hai

Faraz Khan Yousafzai said...

Assalam O Alaikum,

Amel sahib umeed hai ap kheriat se hon gay Allah k jan o maal or sehat ki hifazat farmaye, Ameen
Amel sahib merea naam Faraz Ahmed Khan hai or meri umer 30 saal hai meri shadi ko lay kar meri family ne bohat sare rishty dekhy hen per kahi bhe bat nahi ban rahi hai.
Meri already 2 bar mangni toot chuki hai. Or abi bhe talash jari hai per koi result nahi muje kahi se pata chala hai k kisi ne mujh pe bandish krwa de hai k shadi na ho.

Kya ap meri is silsilay mai madad kr sakty hen,

Jazak Allah

Post a Comment