.

.

Friday, November 21, 2014

KALA JADU KI AAM ALAAMAAT


Assalam oalaikum,
Kala jadu ki iqsaam beshumaar hain. Haasid ko shaitan kis tarah se behkaaega aur woh victim ko kis tarah se nuqsan pahunchana shuru karde- yeh koi nahin kah sakta. Koi dushman victim ki khushiyon ke piche pada hua hota hai to koi shadi ke, koi mulazimat ki to koi uski azdawaaji zindagi ki. Koi hasid victim ke lambe baalon ke piche pada hua hota hai to koi us ke baal- bachon ke. Bas yun samajh lein ke jo shae victim ke paas achi dekh li bas fauran us shae ko barbaad karne ki zordar koshish mein lag jate hain hasid. Ab chahe woh victim ki khubsurti jaisi koi sat’hi shae ho ya us ke kirdar jaisi gehri shae, victim ki sehat jaisi koi na-guzeer shae ho ya zahaanat jaisi zaruri, sab daao per lag jati hain kala jadu ke waje se. Haasid ko sirf jadugar tak pahunch ker aur apna jhuta dukhda sunaana hota hai aur paison ke lalchi jadugar bina Allah (swt) ke khauf ke bhole bhale logon ko nuksan pahunchaane mein masruf ho jaate hain.
Zahir hai ke mukhtalif qism ke jadu ke asaraat aur unki alaamaat bhi ek dusre se alag hogi. Is ke bawajud aisi kai alamaaat hoti hain jo aam taur per har qism ke jadu ke ibteda mein paai jaati hain. Is baat se sab waqif hain ke sifli jadu jinnat ke madad se karte hain jadugar. Yani ke jab jadugar jadu karega to us ke ishaare per us ke maatehet jo jinnat honge woh victim tak ja pahunchenge aur usko ya to zehni taur per apna (victim ke dushman ka) ghulam banana ki koshish karienge ya phir us ko jismaani takleef mein mubtila karne ki koshish karienge. Zehni taur per apna ghulam banana se pahle jinnat ko kafi paapad belne pad jaate hain khas taur se tab agar victim deendar ho aur uska quwwat- e- iraada agar mazbut ho. Agar che victim deendaar ho, aqil-e-saleem ka maalik ho aur woh apna zyadatar waqt Allah (swt) ki Ibadaah aur Dhikra mein guzarana pasand karta hai duniya ki mughallezaat ke bajae to aise mein sifli ke jinnat ko kafi takleef ho sakti hai. Sifli ke jinnat ko victim ke zehen ko apne qabu mein karne ke liye us ko daraana dhamkaana padta hai aur ulte seedhe kaam karne per amaadah karna padta hai. Zaahir hai ke jo shakhs sirf Allah (swt) se darega us ko yeh jinnat kis tarah qabu mein kar sakte hain.
Bahrahaal, har qism ke jadu mein jinnat jab victim ke qareeb pahunch kar aur us per jadu karna shuru karte hain to aam taur per yeh alaamaat hoti hain:
1.    Jinnat ke insani jism mein daaqhil hone ke sabab victim ko sote waqt jhatka lagta hai jisse us ki ankh aksar khul jati hai.
2.    Jaagte waqt victim ke jism mein agar koi jinn daaqhil hona chah raha ho to us ki ankh phadphadaane lagti hai. Victim agar jadu ki alaamaton se baaqhabar na ho to woh kaun si ankh phadak rahi hai yani ke daain ya baain is baat per ghaur kar ke aur yeh sochne mein masruf ho jaata hai ke us ke sath kuch acha hone wala hai ya bura. Itne mein jinnat apna kaam karke aur shaitani waswase daal ker victim ke zehen mein aur chalte bante hain.
3.    Jab jinnat victim per jadu karne ke liye us per tut padte hain to us waqt victim ka koi bhi pattha (muscle) phadphadaane lagta hai. Agar victim bekhabar hai jadu se to woh samjhega bhi nahin ke yeh kya hua. Koi mamuli si baat samajh ker us ko nazarandaz kar dega.
4.    Jab jinnat jism mein daqhil ho ker poore mein daudte hain to jild ke bilkul nichli satah per khaarish mehsus hoti hai. Victim samajhta hai ke jild ke ooper aam kharish ho rahi hai lekin khujaane se bhi us ko rahat nahin milti kyunki kharish jild ke ooper hoti hi nahin hai.
5.    Aksar aisa bhi hota hai ke zaahiri taur per koi bhi alaamat na dikhe jisse victim jinnat ki makkari ko samajh pae. Lekin zehen mein koi betuka sa waswasa aa jaata hai. Jinnat khamoshi se aa ker victim ke zehen mein waswasa daal sakte hain jis ke zariye unka maqsad daraane ka bhi ho sakta hai, behkaane ka bhi; bewakuf banaane ka bhi ho sakta hai aur uljhaane ka bhi. Ab yeh victim per munhasir hai karta hai ke woh in waswason ka kitna asar leta hai. Agar wo yeh jaanta bhi nahin yeh yeh betuke khayaal us ke zehen mein kaun daal raha hai to aise la-ilmi aur beqhabari ke aalam mein mumkin hai ke jinnat apne maqsad mein kamyab ho jaenge.
6.    Jinnat ke jism mein maujudgi ki ek alaamat yeh bhi hai ke halaq mein achanak behad gandi badboo aane lagti hai
7.    Ek alaamat yeh bhi hai ke paeron ke zariye se garmi ooper ki jaanib aati hui mehsus hoti hai.
8.    Is ke alaawa kisi bhi qism ke jadu mein moakkil ya victim ka apna humzad us ko khwabon ke zariye se aaghaah kar deta hai jadu ke bare mein.Lehaza aksar jadu ke victims ko khawabon mein nijazat dikhai deti hai jo is baat ka suboot hai ke us per palide yani ganda amal karwaya gaya hai. Agar kisi khaas sifli moakkil ka istemal kiya hai jadugar ne jaise ke chupkali moakkil ya ullu moakkil to phir wahi moakil khwab mein dikhai deta hai. Yeh ek ishara hota hai qudrat ke taraf se taaki victim chawkanna hojae aur apna roohai ilah kare magar aksar log khawabon ko koi ghaer zaruri shae samajh ker apne khwabon ko nazarandaz kar dete hain.
9.    Agar victim deendar hai to aise mein jadu asar nahin karega.Lehaza sifli ke jinnat aise victims ko deen se dur karne ki koshish karte hain. Victim ke zehen mein waswasa daalte hain ke ‘Tumhe namaz padhne mein badi takleef ho rahi hai’. Victim agar jinnat ki makkari na samajh paya to woh namaz se dur bhaagne lagta hai.   
To yeh kuch aam alaamaat thin jin se victim aasaani se samajh sakta hai ke us ke sath kya ho raha hai. Yeh alaamatien kisi bhi qism ke jadu ke ibteda mein dekhi ja sakti hain. Agar in alaamaton ko nazarandaz kar diya jaae bekhabri ke aalam mein aur victim apna roohani ilaj na kare to phir yehi alaamatein phuqhta aur khaufnaak hoti chali jaati hain. Jaise beemari ke aakhri marhale mein koi agar mareez ko hakeem ke paas le ker pahunche to hakeem dekh ker yahi kahega ke, ‘Bahut der ho chuki hai’. Yahi qissa tab bhi pesh aa sakta hai jab kisi jadu ke victim ko sab liye baithe rahein aur us per jadu ka asar badhta chala jae.

Duaaon mein yaad rakhein
Amel Soname




22 comments:

ravi said...

Sir
Mera naam ravi hai main muzafffarnagar ke ek gaon se hun meri beti ka
naam sana hai wo dedhe saal ki hai wi har waqt bechen rahti hai uske
hath pair pet par sujan hai rang pila padta jaraha hai kamjor ho rahi
hai khati piti kam hai kitne dr ko dikha diya araam nahi mila aap
niwaran kare dhanyawad

zarlish said...

Aoa, plz meri madad kwren mai bohat taklif mei hoon mujh apna koi contact number dain jis pr mai ap se rabta kr sakun mai bohat umeed se pehli bar koi email kr rahi hoon plz jawab zrur daina.... zarlish from fsd

faiza said...

Assalam o Alaikum

Mera naam faiza hai .Mein aksar Pareshan rehti hun aur zehni sukoon nahi hai aur guzsa bohat zada ata hai.Mere har Kam mein rukawat hoti hai har Kaam mushkil se hota hai.Meri shadi ko 2.5 saal ho gaye hain lekin har choti choti baat pe lardai hoti rehti hai.Mujhe Waja bhi baataien Kay aisa kiun hai aur kuch parhney ka bhi bataein.
Aap k jawab ki muntazir rahungi bohat mehrbani hogi aapki
Shukriya

aniqa said...

Salam....aap ka blog perha internet per....kuch mamlatyahan bhi eesehi chal rahe hein jadu waghera ke...bataein ap kya madad or rehnumae ker sakte hein....shukriya.

Praveen said...

Hi amel soname ji,

Mera name praveen hai m bas ye janna chahta hu ki hamare ghar aisa kya kya jiski wajah se kuch bhi kam thik ni hote meri umar 22 saal hai or mein lagbhag bachpan se hi apne mammi papa ke bich kalesh hote dekha hai or ab bhi kabhi kabhi ho jata hai or kabhi sab thik hota hai hum 4 bhai hai or hamare ghar m koi bhi kisi ki baat ni manta bachpan se hi mene dekha hai meri maa ke upar koi upri chakkar ya aisa kich hai unke upar kabhi kabhi aisa asar hota hai mano koi or unke sharir m aa gya ho bas thodi der ke liye ata hai or kuch puchne par kuch ni batata pta ni aisi kon si shakti hai jo unke sharir par ati hai
Ghar m ham char bhai hai or sabhi ki padhai chhut si gayi hai m ghar m sabse bada hu or pure ghar m kisi ka bhi mann kisi bhi kaam m ni lagta pta ni ye upari hawa ka chakar hai ya kisi ne kuch karwa rakha hai maa papa pra ni kitne babao ke pas ja chuke hai or jaha bhi jate hai sab alag alah bate batate hai or jyadatar sabki bat sahi lagti hai lekin aj tak koi ilaj ni ho paya aj tak ghar m kisi bhi tarah ki koi shukh shanti ni hai agar aap kuch kar sakte hai to please kuc bataye jisse ye preshani hamesha ke liye khatm ho jaye.

Thanks

DEEPAK said...

Sir, salaam walekum

Main DEEPAK hu, bahut din se bimaar chal raha hu. 32 yrs Ki umra main BP Ki problem aur heart Ki prob hai. Samaj nahi pa raha kya hua hai.

Jo kala jadu key baarey main aapne likha hai unmain se bahut kuch mere sath hota hai jaise not sleeping, body pain, chest pain, kuch bhi accha nahi Lagna.

Allah ke liye plz meri madad karey

Anonymous said...

Sir

mra masla yh ha k, kuch days pahly mra brake up ho gya sudden he mry friend say,jb k wo mry ghar rishta lay k jany wala tha. but last month jab pakistan gya to na to rishta lay kr gya. and bilkul badal k wapis aya. bahan bna dia k ghar ma problem ho gae the.

uski reason yh hwe k uski purani aik dost ha, jiski engagment ho chuke the. and tot b gae kuch months pahly. jab say us larki ko pta chala ha k wo mjsay shadi kar rha ha. wo usko mana kr rhe, mjsay shadi say. wo pakistan rehte ha. and hm log dubai ma.

mane uski us dost say bat ki k tm q hmari shadi ma rukawat dal rhe ho. to she replied me k tm us say shadi kr k dekhao. wo tm say shadi nhe kary ga. bus phir ussi din he, my friend left me. sab kuch aisay khatm kar dia. jesay kuch tha he nhe. mra koi contact nhe ha us say ab. shayd wo larki us say shadi karna chahte ha. i dont know k us ny usko kya kia. k wo bilkul badal kr aya pakistan say. wo aisa tha he nhe. i dont have any contact with my friend.
i am very worried. i want him to come back. and marry me.

aik or bat btana chahte hn k mj pay wazan bht parta ha, and aisay dreams aty hn k jinnat k buchy mjy jan say marny ki try kr rhy hn, mjy dream ma tang karty hn. aisay dreams mjy phly nhe aty thy.

afee said...

Me bahut pareshan hu. Mere pure badan par bojh mehsus hota hai ghabrahat bachani rehti hai. Neend nahi ati hai kya kru

fiza said...

Salam sir. Main apne Maa baap or bhahioun ki fal niklwana chahti houn aap fal nikalte hain? Sir mere parents ka ghar tweez or jadoo se ghira pera hai mere Abu boat bemar ho gaye hain Essa lagtahai kiss NE Kala ilm kar Dia hai please aap first detailse batyien phir aapke baton gee main apne Maa baba or bhahioun ke laye boat upset houn

Anonymous said...

Assalam Alaikum sir....
Mera name Saania hai...
Ma ny ap ki website ko puri dtail se parha h... or mera aik bht bra masla ha jo aap e solve ker skty han.. ma ap ko sb dtail likh rhi hn.. Allah k wasty mja guid kijiye...

Ma aik apartment me apni aik frnd k sath rehti thi .. or ma aik admi se bht piyar kerti thi ..wo b mj se bht piyaar kerta tha or shaadi ka wada kia huwa tha... hum 3 months wahan rahy..wahan meri dost ka frnd b usay milny ata tha Hum wahan rahy... april ma akr wo waqar aik dm bht zada bimar hogaya or May ma pta chala k us ko cancer ki 3rd stage ha.. phr us k kux din bad mere apartment k bhar aik taweez akr gira jis pe likha rha " Yaa Samooli".... or us ma 3 choty choty kaly rang k keel b thy.... phr us k bad waqar ki tbyat or b zada khrb hogae or us k bad washrom se b aik or taweez nikala... phr us k bad waqar ny mj se bht zada larei kerni shuru kerdi... or 24 june ko hum ny wo jaga chor di.. or ma apny ghr chali gae... phr rafta rafta wo mj se door hita gaya or ab us ny mja chor dia ha... or kisi or orat k pechy laga huwa ha ab... haan ye ma apko bta dn k ma lhr ma job kerti hn.. or villege se belong kerti hn.. waqar lhr ka hi rehny wala ha...
Ma bht zada pershan rhi 3 months ghr pe guzaray ab lhr aie hn to na waqar meri zindagi ma rha us ny b chor dia.. or mera koi kaam b nhi bn rha... mere pass bht paisa hotta tha.. lekin ab poket ma 100 rupia tk nhi h.. na koi job milti h na koi mj se bat kerta h .. her kam her cheez ruk gae hau..ma es waqt bht buri halat ma hn aik taraf to jis sa piyar tha us ny chor dia or dursi taraf financial pressure bht h.. ma apni family ko khud sport kerti hn...
Butt ab mera koi kam b nhi bn rha na koi kam milta ha na koi mja mon lagta h na koi bat sunta hai kam milna to door ki baat..

Dusri traf mere abbu ki dukan thi wo b aik dum bnd hogae ha or ghr ma jo pasay rakhy thy wo sb kharch hogaye hn.. hum ghr waly es waqt bht buri halat ma hai..

Allah ka wasta meri madad kijiye aap hisab ker k pta kran k mere ghr pe or mj pe kia rizk or kaam ki bndish lagaie hai???

Or waqar ny b mja chor dia kia hum dono k relation pe b kisi ny jadoo kia ha jo taweez akr girty thy.... Allah k wasty mja kux btye or es masly ko hal kran.. mja parhny k liye kux bta dain k ghr k halat b thk hojae or waqar b mj se phly jsa hojae..

Yaa aap mja apna koi mob no dain plz jis pe ma rabta kerskun. Aap ka bht bra ehsaan higa es masly ko hal bta dain koi aesa amal jo ma kru or ghr k halat b thk hojae or mja b kam mily or waqar b mere sath thk hojae....

vineet said...

Sir mera naam vineet hai main 18 saal ka hu.... Main sir main kafi
preshan hu... Meri tabiyat kharab rhte hai 2 year se mere sir pain
achanak pain honga ... Yaadash .. Kam hona ...achank samne kya ho rha
hai pta nhi clna .... Sir main 2 year se medicane le rha hu lgatar
... But koi effect nhi hu... Sir plz meri help kre...

ritesh said...

Sir kaafi time se job dekh rha hu par koi result nahi mila mere sath kya ho rha he kuchh achha karne ki koshish karta hu uska ulta ho jata he sir please help me mujhe karni he

Anonymous said...

Dear Sir Aslam O Alikum,
Maine apki website parhi bohat benifical hai,main apse apny liey guidness chahti hon,
Mein her wqt bohat preshan rehti hon,shadi ko 5 saal hony waly hen Olad nhi hai, periods b 3 saal se bohat distrub hen, dum krany ya medicine khany se hoty hen werna nhi hoty,Mery jism mein her waqat pain rehta hay specially bones our seeney mn,seeney mn kuch giltian b hen jo pain kerti hen.Typhoid b hay,piles b bohat ho gai hay,B.P b low rehta hai, Naaf b parhi rehti hai,kamar our kandhon mein pain rehta hai,body bejan mehsoos hoti hai koi kaam nhi hota,
Taya k betey se meri love merriage hui hai jb apny husband k pas jati hon to sextuial feelings bilkul khtam ho jati hen body tight ho jati hey,husband ki khushi k ley khud ko ready kerti hon after undercourse womb mn swelling ho jati hai our infection b ho jata hai,apney susrali ghar mn bohat khoaf mehsoos kerti hon,jb b akeli bethti hon kano mn kisi k batin kerny ki awaz ati hai ya koi mjy dara deta hai kbi mery room mn kbi toilet mein.

Bohat intelligent thi ab kuch b yad nhi rehta koi b cheez chulhey per rakh ker bhool jati hon,naam bhool jati hon,batin bhool jati hon, bat koi achi kerna chahti hon munh se ulty lafz nikal jaty hen sb k samny,dimagh kam nhi kerta .

MBA Finance Qualified hon,job kerti rhi hon per ab koi achi job nhi milti ,3 baar achi job mili our joining se pehly hi khtam ho gai,Ikhlaq bohat acha tha sb pyar kerty thy per ab sb nafrat kerty hen,koi mjey bulana pasand nhi kerta,Namaz our Quran ki tarf bikul dhyan nhi jata,subah utha hi nhi jata, bohat wazeefey kerti hon roz ayatul kursi b parhti hon lagta hai duaen kabool nhi hotin ,sb kuch door chala gaya hai,
kbi kbi lagta hai bohat kam din reh gay hen ab marny hi wali hon.Zindgi se koi dilchaspi nhi hai her taraf andhera nazar ata hai,Quran Khwani krwaon to koi Nuqsan ho jata hai,Jwellery gold ki pehnoh ya artificial ghoom ho jati hai,
Gusa bohat ata hai depression men rehti hon,kbi kbi ALLAH se larny lagti hon,ghar men bohat bechaini feel kerti hon,kbi koi anjan cheez mjy soty mein tang kerti hai,

Ek behan hy wo apny ghar mn khush thi ab usko divorse ho chuki hai,

Mera ak hi bhai hai us k sath b yhi masla hai ,hansna our bolna b chor diya hai usny jb b bolta hai bohat gussy mn bolta hai,.sara din ghar se bahir rhta hey, khana b bohat kam khata hai,Abu us se bohat nafrat kerny lagy hen her wqt criticise kerty rehty hen our bad duaen dety rehty hen,,please Sir hmen koi hal btaein,jis n b hmary ley ye problems creat kin hen wo khandan se hay ya khandan se bahir bta den our usk name ka pehla letter agr bta sakin to him us shakhs se carefull reh skin,jo wazaif our taweez apny website per diey himen unhen use kerny ki ijazat hai,use karen to koi nuksan to nhi ho ga,
Sir apk waqat ka bohat shukriya,
mein chahti hon ap detail se meri Email ko parhen our reply karen,koi aisa wazeefa b btaen jis se mjy faida ho,main apna our apney bhai ka Rohani Ilaj b khud ker skon,q k wo na khud kuch parhy ga our na kisi k pas jaey ga.

arshad said...

assalamo alaykum,
mera name arshad h.
me pichle 6 saal se kisi na kisi bimari me mubtala reh rha hu.
or bahut bimar rehta hu.
mera dimag or zehen dono kamzor ho gaye h.
mayusi ,udasi,darr mujh pe gaalib rehta h..
khudkhushi krne ka mann krta h.

kya aap maamla bata sakte h..
or mujhe naksh bata dijiye jisse me apna ilaj khud kar saku.

rani said...

Sallam dear mery sath bhi masla he kia aap bata skti hein k mjh bhi tawez he ya kala jadu he baki kala jadu ki pahchan me jitni bhi points likhi he mjh se milti he plz mjh koe solution
batae ke ye kala jadu kc khatm houga.

vipul said...

amel sab slam mene aap ka post pdha or mere ek ajij he uske jo aap ne btaya vesa hi hota he or uski mmy or vo dono bhut prshan rehte he or uske papa vgera sb pura ghr ast vyst ho gya mujhe aap ki mdd chahiye aap mujhe apna no msg kriye me aap se smprk kruga plzz

waqas said...

sir

main muslim hoon meri love marriage hoi hy meri ek beti hy meri bivi
naraz ho k chali gai hy
aur ab wo talak maang rahi hy plz aap mere liye kuch kar dein mujhay
kuch bta dein main kaisay us k dil mein jaga bnaooon plz sir main
bohat pareshan hoon meri galti hy main ne us pe hath uthaya tha wo
naraz ho k chali gai hy main us se bohat pyaar karta hoon plz ap meri
help karein mera name waqas hy plz sir kuch
bta dein plzzzzzzz

Anonymous said...

AoA (wrwb)

Attention: Amel Soname Sb.

main pichle kai salaaon se parisan hon, biwi, bache ham sab.
bohat kuch tha ab Al-hamdulillah ALLAH ne kabhi bhoka nahin
solaya hai.

1- Begum bohat bimar rehti hain, pore jisam aur khas kar
hadiyon main bohat dard rehta hai, Agar khari hon tu
baith nahin sakti aur baith jae tu oth nahin sakti aur chakkar
bohat rehte hain.

2. (3) teen bache hain- teeno ache hain talented hain, laikin
(3) teeno parne se bhagte hain aur school jane se khof zada
hote hain, khas kar meri baiti aur chota beta jo pichle 3 hafton
se school nahin jarahe hain.

3. Meri halat bhi kuch theek nahin jo kam bhi karta hon wo hota
nahin hai, tabiat bhi theek nahin rehti, bachon pe gussa bohat
aata hai. kuch samaj nahin aati ke hamare sath kiya horaha
hai.

Ghar bhi apna nahin hain, Qara bohat hai, kisi sahab ke diye
howe ghar main rehta hon.

prashant said...

Salam

Mera naam prashant hain.mujhu pichhle 2 saalon se jukham hain.naak se paani aata hai,chheeken bahut saaree aati hai,sar dard ev naak ,gallei me khujli bahut hoti hain.aap se nivedan hain ki aap mujhe koi aachha sa upaay ,dava batae.
dhanvaad.

adil said...

asslam alaikum bahi jan mera nam adil hay aur student hoo.......5 months saay meray eyes pay blurness si hy aur may bhot ajeeb sa hogaya hoo kisi chez ko real tarh mehsos nahi kar sak raha may bahot xiyada tng hoo. plz mujay bataeyey kia ye jado ya taweez hy,
mujay kaisay pata chal sakta hy k yyee jadoo hy ya jismani marz..... if there iz any method to know that plz tell mee.

and second mujay jadoo aur tawiz k asar khatam karnay k asan tarikay aur wazeefay bata dijeyey, thanks

atiq said...

AoA...
Sir, Umeed hai ap khariat se hon gay! mere Father jis kam ko bhi hath dalte han wo kam nahi hota, thore din to bari umeed hoti hai k ho jaye ga lakin do teen din bad kam bilkul thap ho jata ha.. qarze pe qarza charta ja raha hai.. please mere Father ki faal nikal kar bata deyn aur sath is ka hal bhi batye...

Anonymous said...

har baat ka jawab ya ha k 5 time namaz ada kary aur charu kul aur ayetalkursi parhy sub theak ho jay ga ...

Post a Comment